Mergim Lushtaku po vazhdon të marrë përkrahje të gjerë nga qytetarë të zonave të ndryshme, duke dëshmuar një mbështetje të fuqishme dhe gjithnjë në rritje për angazhimin e tij politik. Përkrahja e fundit është reflektuar edhe përmes një mesazhi publik, ku Lushtaku ka bërë thirrje të qartë për unitet dhe bashkim, duke theksuar se ndarjet rajonale nuk i shërbejnë së ardhmes së qytetarëve.
“S’ka ndasi Shalë e Drenicë, e kemi veç një Mitrovicë. Veç të bashkuar ecim përpara,” ka shkruar Lushtaku, mesazh i cili është pritur pozitivisht nga shumë qytetarë dhe simpatizantë, veçanërisht edhe në Shalë të Drenicës, ku përkrahja për të po rritet dukshëm.
Ky apel për unitet vjen në një moment të rëndësishëm politik dhe shihet si një përpjekje për të ndërtuar ura bashkëpunimi mes komuniteteve dhe për të fokusuar energjinë në zhvillimin e përbashkët. Përkrahësit e Lushtakut e shohin atë si një figurë që synon të tejkalojë ndasitë dhe të promovojë një vizion gjithëpërfshirës për Mitrovicën dhe më gjerë.
Mesazhi i tij për bashkim dhe solidaritet po shpërndahet gjerësisht në rrjetet sociale, duke konfirmuar se mbështetja ndaj Mergim Lushtakut nuk është e kufizuar vetëm në një zonë, por po shtrihet fuqishëm kudo.
