Komuna e Skenderajt ka njoftuar qytetarët për nevojën e kujdesit të shtuar, pas parashikimeve meteorologjike që tregojnë se temperaturat do të zbresin nën zero gjatë orëve dhe ditëve në vijim.
Sipas njoftimit zyrtar, qytetarëve u rekomandohet që, për aq sa është e mundur, të shmangin lëvizjet e panevojshme dhe të tregojnë kujdes të veçantë gjatë qarkullimit, për shkak të rrezikut nga rrëshqitjet në rrugë dhe trotuare, përcjellë Drenica Press.
Komuna bën të ditur se kompanitë e kontraktuara janë në terren dhe në gatishmëri të plotë për mirëmbajtjen e rrugëve, përmes kriposjes dhe hedhjes së zhavorrit, me qëllim të rritjes së sigurisë në komunikacion.
Megjithatë, nga autoritetet komunale kërkohet kujdes maksimal nga qytetarët, veçanërisht gjatë vozitjes dhe ecjes në zonat ku mund të krijohet akull.
Komuna e Skenderajt falënderon qytetarët për bashkëpunimin dhe mirëkuptimin.
