Kandidati i PDK-së për kryetar të Skënderajt, Sami Lushtaku, ka vazhduar takimet me qytetarët, duke vizituar sot banorët e fshatrave Murgë dhe Abri të Poshtme.
Ai u shpreh i impresionuar nga bukuritë natyrore dhe potenciali i madh turistik i këtyre dy fshatrave, të cilat njihen gjithashtu për traditën dhe mikpritjen e veçantë.
“Mbështetja e qytetarëve në këto takime na jep forcë dhe motiv për fitoren e 12 Tetorit,” tha Lushtaku, duke theksuar vendosmërinë e tij dhe të ekipit të PDK-së për të vazhduar zhvillimin e Skënderajt.
