Trajneri i Drenicës: Ku po shkon Prishtina kështu?
Drenica është mposhtur 2:1 nga Prishtina në kryeqytet. Por, me lojën e shfaqur sidomos në pjesën e dytë, skenderajasit lehtë kanë mundur të kthehen me një pikë.
Pas ndeshjes, trajneri i ekipit skenderajas, Tahir Lushtaku ka adresuar kritika në adresë të Prishtinës.
“Me disa lojtarë që e nisën ndeshjen nuk isha i kënaqur. Prej fillimit i patëm disa gabime që nuk është dashur të nodhin, por po ndodhin. Sa i përket pjesës së dytë mendoj që kemi qenë një ekip tjetër dhe e kemi dominuar lojën. U munduam të krijojmë raste nga krahët me Ukën dhe Mziun ku edhe realizuam gol. Ndërsa, Prishtina është mbrotjur”, deklaroi Lushtaku për SuperSport.
Ai vijoi me kritikat ndaj Prishtinës.
Lexo edhePrishtina-Drenica mbyllet me këtë rezultat
“Kur një Prishtinë bën kaq shumë zhagitje, ku mendon të shkojë në Evropë. Kështu ndodhi edhe me Llapin javën e kaluar. Prishtina ndoshta 20 minuta ka qenë e shtrirë në pjesën e dytë”, shtoi Lushtaku.
Pavarësisht kësaj humbje, Drenica ka gjasa reale që t’i shmanget barazhit.
