Presidenti ukrainas Volodymyr Zelensky ka bërë të ditur se Shtetet e Bashkuara po përpiqen të organizojnë një takim të ri mes Ukrainës dhe Rusisë, me pjesëmarrjen e SHBA-së, me synim avancimin e përpjekjeve për përfundimin e luftës.
Sipas Zelenskyt, pala amerikane është aktualisht në kontakt me të dyja vendet dhe ka propozuar zhvillimin e një takimi në nivel teknik dhe në format trepalësh deri në fund të tetorit.
Presidenti ukrainas tha se Kievi është i gatshëm të marrë pjesë në takim dhe se tashmë pret përgjigjen e Moskës. Ai shtoi se bisedimet mund të zhvillohen në Emiratet e Bashkuara Arabe ose në një vend tjetër të propozuar nga pala amerikane.
Zelensky i bëri komentet gjatë një konference të përbashkët për shtyp në Kiev me kancelarin gjerman Friedrich Merz, ndërsa luftimet dhe sulmet ajrore mes Rusisë dhe Ukrainës vijojnë.
