Testet serologjike tregojnë se shumica e edukatoreve në një çerdhe në Prishtinë kanë pasur virusin
03

Lexo edheNë mungesë të stafit në Pulmologji, pacientët ndihmohen edhe nga familjarët

Analizat serologjike tregojnë se shumica e edukatoreve në një çerdhe në Prishtinë kanë pasur virusin.
Analizat serologjike të kryera para se të fillojë puna në çerdhet në Prishtinë kanë treguar se shumica e edukatoreve në një çerdhe kanë pasur koronavirusin më herët, ka njoftuar kryetari i kryeqytetit, Shpend Ahmeti.
Në një postim në Facebook, Ahmeti, duke mos treguar për cilën çerdhe bëhet fjalë, ka thënë se tani ajo është e sigurt.
Ai ka shtuar se ky rezultat “bashkë me studimet tjera do të na ndihmojë ta kuptojmë përhapjen në Prishtinë”.

Lexo edheNë mungesë të stafit në Pulmologji, pacientët ndihmohen edhe nga familjarët
Prishtina është qyteti më i prekur nga koronavirusi në Kosovë. Nga 11 mijë e 200 rastet pozitive në vend, kryeqyteti ka regjistruar 3617, sipas të dhënave të fundit të publikuara nga Ministria e Shëndetësisë. Në kryeqytet, kanë vdekur 51 persona si pasojë e COVID-19.