Rina Dragidella, mbesa e Xhelal Sveçlës emërohet kundërligjshëm diplomate në Washington

Rina Dragidella, mbesa e ministrit të Punëve të Brendshme, Xhelal Sveçla, është emëruar në pozitën e Sekretares së Dytë në Ambasadën e Kosovës në Washington. Ajo ishte punësuar në MPJD në nëntor të vitit 2025.

Ministri i Punëve të Jashtme, Glauk Konjufca, ka nënshkruar më 15 maj 2026 vendimin për emërimin e Rina Dragidellës në pozitën e Sekretares së Dytë në Ambasadën e Republikës së Kosovës në Washington.

Nacionale ka siguruar dokumentin e nënshkruar nga Konjufca, sipas të cilit Dragidella është emëruar me mandat katërvjeçar, ndërsa detyrën e re do ta nisë më 1 dhjetor 2026.

Emërimi i saj merr vëmendje të veçantë për shkak të lidhjes familjare me ministrin Xhelal Sveçla. Rina Dragidella është mbesa e tij, ndërsa Nacionale ka mësuar se ajo ishte punësuar në Ministrinë e Punëve të Jashtme dhe Diasporës në nëntor të vitit 2025.

Kështu, vetëm disa muaj pas punësimit në MPJD, Dragidella është emëruar në një pozitë diplomatike në njërin prej misioneve më të rëndësishme të Kosovës jashtë vendit.

Ky emërim ngre pikëpyetje për kriteret e përzgjedhjes dhe mënyrën e avancimit në shërbimin diplomatik. Deri më tani nuk janë bërë të ditura detaje se si është zhvilluar procedura, nëse janë përmbushur të gjitha kriteret ligjore dhe profesionale dhe mbi çfarë baze është bërë përzgjedhja e saj.

Edhe nëna e Dragidellës ishte punësuar në një institucion publik