Eliminimi nga Bayern Munichu në çerekfinale të Ligës së Kampionëve në një ndeshje dramatike të mbyllur 4-3 për bavarezët, e ka hapur një tjetër kapitull reflektimi në shtëpinë e Real Madridit.
Një sezon që praktikisht mund të konsiderohet i mbyllur që në mes të prillit, me objektivat kryesorë që kanë rënë njëri pas tjetrit.
Pas eliminimit nga Championsi, klubi madrilen po përballet me një situatë të qartë: nevoja për një riorganizim të thellë.
Sipas analizave nga Spanja, gjatë verës mund të vijë një “revolucion” i ri në skuadër, me ndryshime si në organikë ashtu edhe në strukturën e ekipit, përcjell “Gazeta Express”.
Megjithatë, pavarësisht zhgënjimit të madh, jo gjithçka shihet si negative në këtë sezon.
Performanca të caktuara individuale dhe momentet e lojës tregojnë se skuadra ka ende bazë të fortë për ta ndërtuar të ardhmen.
Në ndeshjen ndaj Bayernit, Reali ishte shumë afër kualifikimit, duke kaluar disa herë në avantazh dhe duke e mbajtur kontrollin e lojës deri në minutat e fundit.
Por përjashtimi i Camavingas dhe reagimi i vonë i bavarezëve ndryshuan gjithçka në sekondat vendimtare.
Tani, drejtuesit e klubit pritet ta analizojnë me kujdes situatën, me synimin për ta forcuar skuadrën në verë dhe për ta rikthyer Real Madridin në nivelet më të larta të Evropës.
Në këtë kontekst, pritet një verë e nxehtë në “Santiago Bernabéu”, me vendime të rëndësishme për të ardhmen e projektit sportiv. /Gazeta Express
