Feronikeli është shpallur kampion në Superligën e Kosovës për edicionin 2018/2019, raporton Gazeta Express.
Skuadra e Zekirija Ramadanit arriti që sot ta mposhtë FC Prishtinën dhe ta fitojë titullin e tretë në histori.
Në ndeshjen që u zhvillua në Drenas, Feronikeli fitoi me golin e vetëm të shënuar nga Yll Hoxha.
I pranishëm në stadiumin “Rexhep Rexhepi” ishte edhe Presidenti i Kosovës, Hashim Thaçi, i cili bashkë me numrin një të FFK-së, dorëzuan trofeun në duar të futbollistëve të Niklit.
Përmes një postimi në llogarinë zyrtare në Facebook, Thaçi ka uruar Niklin për titullin, i cili ka shkruar: “Pas një ndeshjeje dramatike, Feronikeli shpallet kampion i Kosovës. Urime lojtarëve dhe të gjithë qytetarëve të Drenasit”. /Gazeta Express/
- Advertisement -
