Lapidar Lladrovci, kapiteni i Feronikelit, është shprehur tejet i lumtur për titullin.
Feronikeli është shpallur kampion në Superligën e Kosovës për edicionin 2018/2019.
Skuadra e Zekirija Ramadanit arriti që sot ta mposht FC Prishtinën dhe ta fitojë titullin e tretë në histori.
Në ndeshjen që u zhvillua në Drenas, Feronikeli fitoi me golin e vetëm të shënuar nga Yll Hoxha.
“Për mua është titulli më special. Ka qenë sezon shumë i vështirë, si ne si Prishtina ka mundur të fitojë titullin. Por, ne ishim shumë të mirë dhe me meritë në fund e fituam titullin”, tha Lladrovci.
“Ky titull shkon për të gjithë, trajnerët, tifozët, lojtarët, presidentin që ka bërë gjithçka për të arritur këtu ku jemi”. /Gazeta Express/
