Ish-deputetja dhe kandidate për deputete në zgjedhjet e fundit nga PDK, Xhevahire Izmaku po kërkon rinumërim të të gjitha votave, pasi që sipas saj ka dyshime se ka pasur vjedhje të votave në çdo parti.
Izmaku përmes një postimi në Facebook, ka shkruar se kush nga garanton që nuk kanë ndodhur të tilla blerje dhe secili na ne që ishim në prag nuk u dëmtua.
Kjo deklaratë e Izmakut, vjen pasi që së fundmi në media ka qarkulluar një video incizim ku flitet për manipulim të votave nga tashmë ish-ministrja e MPJD-së, Meliza Haradinaj-Stublla.
“Rinumërim për të konfirmuar çdo votë sepse ka shumë dyshime që këto storje kanë ndodh në çdo parti, të Fortit për të Fortit..! Kush na garanton që s’kanë ndodh të tilla blerje dhe secili nga ne që ishim ne prag, nuk u dëmtua, nuk ju “ndal” hezi që të ecë tjetri ose tjetra! Rinumërim pra!”, ka shkruar Izmaku.
