Ministri i Jashtëm i Shqipërisë, Gent Cakaj, ka shkarkuar biznesmenin Rrahim Pacolli nga pozita e konsullit të nderit të Republikës së Shqipërisë në Kosovë, transmeton Gazeta Metro.
Pacolli ka zgjedhur heshtjen pas këtij shkarkimi, por diçka me të cilen u bë i njohur ai në Prishtinë ishin targat e ‘xhipit x5’ me targa diplomatike ‘CD’.
Targat dhe xhipi i tij i zi i binin në sy të gjithë banorëve në Prishtinë, pasi Pacolli nuk zgjidhte rrugë për pritje në komunikacion, por përdorte burin dhe tabelat për t’ia liruar rrugën pasi koha e tij ishte e ‘limituar’.
I kontaktuar nga Metro, Pacolli ka thënë se është i zënë dhe nuk ka kohë të përgjigjet, por pas pak ai edhe ka fikur telefonin.
“Jam i zënë për momentin, më thirr pas 5 minutash”, tha Pacolli shkurt.
Por, pas vendimit për shkarkim nga Cakaj, Metro mëson se Pacolli do të detyrohet që t’i rikthej targat ‘CD’ në Shqipëri.
