Ka nisur seanca për mocionin e mosbesimit ndaj Qeverisë Kurti.
Deputetët janë mbledhur në Kuvendin e Kosovës ku pritet ta votojnë mocionin e inicuar nga LDK-ja për rrëzimin e qeverisë, ku kjo e fundit bën pjesë edhe vet.
Kjo është e vetmja pikë e rendit të ditës.
Aktualisht në sallën e Kuvendit të Kosovës janë prezent 106 deputetë.
Kujtojmë që seanca e sotme po zhvillohet midis pandemisë globale të koronavirusit, gjë që ka bërë që arredimi i deputetëve në sallë të bëhet në mënyrë që të respektohen rekomandimet e Institutit të Shëndetit Publik, ndër to edhe të respektohet distanca prej dy metrash në mes të personave – që mund të jetë problematike.
Shkarkimi i Agim Veliut dhe mosheqja e plotë e taksës 100% ndaj produkteve serbe, që sipas LDK-së rrezikon raportet me SHBA-të, bënë që kjo parti ta iniciojë mocionin e mosbesimit që mbështetet edhe nga partitë opozitare, PDK, AAK dhe Nisma.
