Aksident në rrugën Klinë-Gjakovë, katër persona të lënduar

Në aksident janë përfshirë dy vetura. Katër persona kanë kërkuar ndihmë mjekësore, teksa në aksident ka pasur edhe dëme materiale.

Rastin e bëri të ditur zëdhënësi i Policisë Rajonale të Gjakovës, Sheremet Elezaj.

“Sot rreth orës 13:45, në rrugën Klinë–Gjakovë, përkatësisht në fshatin Volljak-Klinë, ka ndodhur një aksident trafiku, ku janë përfshirë dy automjete.Përveç dëmeve materiale, katër persona janë dërguar për trajtim mjekësor.Njësia Rajonale e Komunikacionit Rrugor është duke trajtuar rastin”, njoftoi Elezaj.