Ja shuma që ndau qeveria për familjen e policit të vrarë

Mbledhja e sotme e Qeverisë nisi me një minutë heshtje në nderim të policit, Izet Demaj që u vra gjatë ditës së djeshme në qytetin e Istogut.

Qeveria e Kosovës sot në mbledhjen e saj të rregullt ka marrë vendim të ndajë 15 mijë euro për familjen e policit Izet Demaj i cili u vra dje në krye të detyrës.

Kujtojmë se nesër me vendim të presidentit të Kosovës Hashim Thaçit, e shtuna do të jetë ditë zie në nderim të rënies në detyrë të policit që vdiq si pasojë e plagëve të marra nga shkëmbimi i zjarrit me një plaçkitës banke në Istog. Polici Izet Demaj, ka qenë edhe ushtar i UÇK-së në betejën e Koshare.