Google do të fitojë 3.8 miliardë dollarë më 2017 nga telefoni Pixel

Kompania e shërbimeve financiare, Morgan Stanley beson se dy telefonat e Google, Pixel dhe Pixel XL pritet që të shiten në rreth 5-6 milionë njësi në vitin 2017, që sjell të ardhura rreth 3.8 miliardë dollarë, raporton GSMArena.

Morgan Stanley thotë se Pixel do të shesë 3 milionë njësi në tre mujorin e fundit të 2016, me 2 miliardë dollarë të ardhura.

Kjo nuk është as afër asaj që ka shitur Iphone. Në këtë vit Apple ka të ardhura rreth 137 miliardë dollarë, kurse ka shitur 212 milionë njësi të iPhoneve.