Presidenti i SHBA-së Donald Trump e konsideron Sean Diddy Combs “pak a shumë gjysmë të pafajshëm” pavarësisht dënimit të tij penal në gjykatën federale në korrik, por ai e quajti faljen e magnatit të muzikës “më të vështirë” për shkak të kritikave të kaluara.
Trump gjatë një interviste në Newsmax tha se Diddy në të kaluarën ishte treguar shumë armiqësor.
Diddy u shpall fajtor më 2 korrik për dy akuza transporti për t’u angazhuar në prostitucion, secila duke e lënë atë të përballet me deri në 10 vjet burg, por ai u lirua nga akuzat më serioze të trafikimit seksual dhe konspiracionit të shantazhit.
Një numër mediash raportuan se Trump ka qenë duke shqyrtuar një falje, por Diddy i ndërlikoi gjërat duke i thënë Daily Beast në vitin 2017 se “nuk i interesonte shumë Trump”.
Dhe në vitin 2020, kur presidenca e parë e Trump përfundoi me humbje ndaj Joe Biden, Diddy, i cili është me ngjyrë, tha për radio Charlamagne, se Zoti “burrat e bardhë si Trump duhet të dëbohen”.
“Prioriteti numër një është të largohet Trump nga detyra”, tha Diddy.
Trump me sa duket aludoi për këto komente në intervistën e tij kur iu kërkua të rishikonte konceptin e faljes së Diddy.
“Ai ishte pak a shumë gjysmë i pafajshëm. Ai po kremtonte një fitore, por mendoj se nuk ishte një fitore aq e mirë. Kur kandidova për detyrë, ai ishte shumë armiqësor. Është e vështirë, e di? Ne jemi qenie njerëzore. Dhe nuk na pëlqen që gjërat të na turbullojnë gjykimin, apo jo? Por kur e njihje dikë dhe ishe mirë, dhe pastaj kandidove për një detyrë, dhe ai bëri disa deklarata të tmerrshme. Pra, nuk e di… E bën më të vështirë për ta bërë,” tha Trump në intervistë.
Kujtojmë, Diddy u dënua për transportimin me avion të njerëzve në të gjithë vendin, përfshirë punonjës seksualë meshkuj dhe të dashura, për takime seksuale. Ai është planifikuar të dënohet më 3 tetor dhe ka kërkuar të lirohet nga paraburgimi me një garanci prej 50 milionë dollarësh ndërsa pret seancën dëgjimore.
