Flandria ose Flamania, që është njëri nga tre rajonet në Belgjikë, nga 1 janari i vitit të ardhshëm do t’u hapë derën migrantëve të kualifikuar, deklaroi ministri flaman i Punës, Philippe Muyters, transmeton Anadolu Agency (AA).
Në një prononcim për gazetarët, Muyters tha se do të lehtësojë procesin e punësimit në Flamani të migrantëve të kualifikuar
Ai shtoi se nga 1 janari i vitit 2019 do të hapen dyert për migrantët që janë të kualifikuar në rreth 20 profesione të ndryshme.
Muyters bëri me dije se në këtë rajon të Belgjikës veç tjerash ka nevojë për infermierë, operatorë të vinçave, kasapë dhe kuzhinierë.
“Mundësimi i këtij lloji të emigracionit ekonomik, është një çështje themelore për rritjen tonë ekonomike”, tha ministri.
