Kandidati i LDK-së për Prizrenin, Driton Selmanaj, e paraqiti si “dështim total” qeverisjen e Shaqir Totajt në Prizren.
Sipas tij, premtimet kryesore që i ka dhënë Totaj në vitin 2021, as nuk i ka nisur.
“Është dështim total i qeverisjes në Prizren. Prej 5-6 premtimeve kryesore që z.Totaj i ka dhënë gjatë fushatës elektorale, nënkalimi, parku industrial brenda gjashtë muajsh me funksionalizu, parkingjet mi modernizu e kriju të reja, 10 fshatrta turistike, ndërtimi i stacionit të autobusëve, teleferikun….Jo që nuk janë bë, nuk janë nis fare”, tha Selmanaj në Pressing, transmeton Express.
“Projektet kapitale të Shaqir Totaj që janë promovu në 2021, nuk janë nis fare”, tha Selmanaj tutje.
