Arrestohet në Deçan personi i kërkuar, ishte dënuar me 4 vjet burgim

dp4 tet 2026

Shpërndaje:

Policia e Kosovës ka arrestuar një person të kërkuar me urdhërarrest në Deçan, i cili ishte dënuar me katër vjet burgim.

Rasti ka ndodhur më 3 tetor, rreth orës 11:15, në rrugën “Fatmir Nimonaj”, ku zyrtarët policorë kanë lokalizuar dhe arrestuar personin me inicialet Xh. Th.

Sipas Policisë, ai kërkohej për veprat penale “Vjedhje e rëndë në bashkëkryerje” dhe “Mbajtja në pronësi, kontroll ose posedim i paautorizuar i armës”.

Lexo edheIsh-drejtori i Inspeksionit mohon se e kërcënoi me jetë kryetarin e Obiliqit: Nuk është e vërtetë, kam dhënë deklaratën para organeve të rendit

Gjatë arrestimit, i dyshuari ka bërë rezistencë dhe ka tentuar të largohej nga vendi i ngjarjes, por zyrtarët policorë kanë arritur ta vënë nën kontroll.

Pas procedurave në Stacionin Policor në Deçan, personi është dërguar për t’u dorëzuar te institucionet përkatëse për ekzekutimin e dënimit prej katër vjetësh burgim.

Lajme të fundit

Shiko të gjitha

I shpallur në kërkim, arrestohet në Shqipëri i dënuari me 21 vjet burg, pritet ekstradimi drejt Italisë

4 tet 2026