Deputetja e Zgjedhur nga ana e Vetëvendosjes, Mimoza Kusari-Lila, ka thënë në T7 se nuk është diskutuar brenda Alternativës mundësia e shkrirjes brenda VV’së.
“Nuk po shqyrtojmë mundësinë e shkrirjes në VV”, ka thënë Kusari.
“Ajo ka qenë një titull që nuk qëndron dhe nuk ishte i vërtetë. Përgjigja ime ka qenë se kemi aq shumë tema me rëndësi për momentin sa që nuk po kemi kohë që të flasim për këtë çështje”.
“Alternativa ruan ende subjektivitetin e vet. Si parti politike dhe ideologji do insistoj në mbështetjen e të rinjve që Alternativa të vazhdojë”.
Ish-kryetarja e Gjakovës po ashtu ka bërë të ditur se ajo do të numërohet si deputete e VV’së në këtë mandat dhe ka premtuar besnikëri ndaj këtij subjekti në listën e të cilës është zgjedhur si deputete.
