Pas pranimit në UEFA dhe FIFA, tani kanë filluar të shihen të mirat që do të vijën për futbollin e Kosovës nga shtëpia më e madhe e futbollit evropian.
Zyrtari i UEFA-s, për infrastrukturë sportive, Thierry Favre, të enjten e ka vizituar Kosovën dhe në një konference për media, ka deklaruar se projekti i FFK-së është miratuar nga UEFA dhe shumë shpejt pritet që të nisin punimet për rregullimin e infrastrukturës.
Bëhet fjalë për qendrën sportive në Obiliq si dhe për ndihmën që do ti bëhet klubeve në rregullimin e Infrastrukturës.
Favre ka nënvizuar se me padurim e pret ndeshjen e parë të Kosovës kundër Finlandës dhe ka shtuar se në të ardhmen do të ketë edhe projekte të rëndësishme për futbollin e Kosovës.
Përveç këtyre të mirave që do të vijnë për futbollin e Kosovës, zyrtari i UEFA-s konfirmoi se në muajin nëntor ose dhjetor, Feronikli dhe Prishtina do të përfitojnë shumën e parave si kampion dhe fitues të Kupës, por nuk përmendi shifra.
E për projektin, foli edhe kryetari i FFK-së, Fadil Vokrri.
Kjo është ndihma e parë serioze nga UEFA për Kosovën, që nga pranimi në arenën ndërkombëtare.
Ndiqeni kronikën e Tribuna Channel.
