Lojtari i njohur shqiptar i “Counter Strike 2.0”, Rigon “rigoN” Gashi ka ndryshuar skuadër.
Ai sot është liruar nga ekipi i njohur “Ence”, por menjëherë ka arritur të gjej vend tek një skuadër e re, transmeton lajmi.net.
Rigon Gashi nga sot është pjesë e skuadrës së njohur turke “Eternal Fire”.
Ekipi nga Turqia është duke kaluar në një periudhë tranzicioni dhe ndryshimesh. Përveç Rigonit, ata kanë transferuar edhe lojtarin e njohur nga Ukraina “Woro2K”.
Momentalisht, “Eternal Fire” ka katër lojtarë. Së shpejti do ta zyrtarizojnë transferimin e lojtarit të 5-të.
Rigon në të kaluarën ka qenë pjesë edhe e skuadrës së njohur gjermane “BIG”. Po ashtu ai ishte pjesë e ekipit legjendar nga Kosova “Bad News Eagles”./lajmi.net/
