Kampioni i Kosovës Feronikeli do të përballet me Slovan Bratislava në rrethin e dytë kualifikues për garën dytësore evropiane, Ligën e Evropës, pasi njëlloj si klubi kosovar edhe klubi sllovak u eliminua nga rundin i parë kualifikues për Ligën e Kampionëve të mërkurën.
Bratislava përjetoi largim të dhimbshëm nga gara për t’u kualifikuar në garën më prestigjioze evropiane për klube, sepse humbi 3:2 ndaj Sutjeska pas gjuajtjeve të penalltive, pasi loja e rregullt dhe ajo shtesë e kthimit mes tyre mbaroi baras 1:1, ngjashëm si ajo e para, raporton Gazeta Express.
Si rrjedhojë, klubi sllovak do të përballet me Niklin, klubin nga Drenasi, të cilit të martën iu shua ëndrra për ta vazhduar luftën për ta siguruar një vend në fazën grupore të Ligës së Kampionëve pasi u mund në Prishtinë nga klubi uellsian The New Saint.
