Tashmë është zyrtare. Pas dritës jeshile të dhënë nga qeveria gjermane për rifillimin e futbollit, ka ardhur edhe vendimi i DFL.
Federata Gjermane e Futbollit ka vendosur që Bundesliga dhe Bundesliga 2 të rinisin në datën 15 maj.
Fillimisht ishin hedhur dy data për rifillimin e kampionateve, me disa që dëshironin me 15 maj, e disa të tjerë që shpresonin me 22 maj.
Mirëpo, DFL mori vendim që të rifillonin me 15 maj, datë kjo më e përshtatshme nga federata.
Ndërkohë, ditën e nesërme klubet e Bundesligës do të mblidhen për të diskutuar detajet e përgatitjes për mbylljen e rregullt të Bundesligës dhe Kupës së Gjermanisë.
Nga të gjitha ligat kryesore në Europë, Gjermania është e para që deklaron zyrtarisht datën për vazhdimin e këtij sezoni futbollistik.
