Zbulohet paga e Sebino Plakut te Llapi, 34 vjeçari njëri ndër më të paguarit në Superligë
BILLI·
Shpërndaje:
Sebino Plaku ishte njëri ndër ardhmjet më të bujshme në futbollin kosovar gjatë afatit kalimtar të verës, shkruan Gazetasheshi.com.
34 vjeçari erdhi nga Kamza te Llapi, klub ky i cili u detyrua të hap thesin për ta paguar ish-sulmuesin e shumë skuadrave në Shqipëri.
Kryetrajneri i kësaj skuadre Tahir Batatina zbuloi për “Infokusin” edhe pagën e sulmuesit nga Tirana.
“5 mijë euro është paga mujore e Sebino Plakut. 50% e pagës i është dhënë para kesh në duar, ndërkohë 50% të tjera do ti dalin përmes rrogës. Paga e tij vjetore është 60 mijë euro”, deklaroi Batatina.
Sebino Plaku në duel me Diar Miftarajn e FC Prishtinës (foto e huazuar nga prishtinafc.com)
Ai po ashtu theksoi se me pagë të njejtë është edhe mesfushori Mentor Zhdrella, ndërkohë që paga vjetore e futbollistëve të tjerë varion nga 30 deri në 40 mijë euro.
Paga më e vogël në Klubin Futbollistik “Llapi” është 500 euro./Gazeta Sheshi/
