Kryetari i Kuvendit të Republikës Kosovës, Kadri Veseli, ka vizituar klubin e boksit “Gollaku” në Prishtinë dhe ka parë nga afër stërvitjet e kampiones së Evropës në boks, Donjeta Sadiku.
Kryeparlamentari kosovar për disa çaste është stërvitur bashkë me kampionen Sadiku në ring, ndërsa ka përcjell nga afër edhe ushtrimet e talentëve të rinj në këtë sport.
Me këtë rast Veseli është zotuar se do të bëj çmos që të mbështes talentët e rinj kosovarë, të cilët kanë vullnetin dhe përkushtimin për të sjell medalje të reja në Republikën e Kosovës.
“Ishte kënaqësi e jashtëzakonshme ‘përballja’ me Kampionen e Evropës në Boks, vajzën tonë Donjeta Sadiku. Ajo, si dhe boksierët e rinj të Klubit ‘Gollaku’, kanë talent dhe vullnet të jashtëzakonshëm. Jam i sigurt se do të sjellin medalje të reja në Republikën e Kosovës. Ata janë dëshmi e potencialit të madh që ka rinia kosovare për të shkëlqyer kur i jepet mundësia. Neve na takon t’i mbështesim dhe të përmirësojmë kushtet e stërvitjes, në mënyrë që të na shtohet krenaria nëpër botë”, ka thënë Veseli. /Drenica Press/
