Një aeroplan i vogël është rrëzuar në një aeroport në shtetin e Uellsit të Ri Jugor të Australisë, mëngjesin e së shtunës, ku kanë humbur jetën tre persona që ndodheshin në bord, ka konfirmuar policia.
Sipas autoriteteve, incidenti ka ndodhur në Aeroportin Shellharbour, rreth 85 kilometra në jug të kryeqytetit të shtetit, Sydney. Aeroplani është rrëzuar menjëherë pas ngritjes, rreth orës 10:00 të mëngjesit.
“Pas përplasjes me tokën, aeroplani u përfshi nga flakët, të cilat u shuan nga Zjarrfikësit dhe Shpëtuesit e NSW,” thuhet në deklaratën e policisë. “Tre persona janë konfirmuar të vdekur.”
Pamjet ajrore të publikuara nga Australian Broadcasting Corp treguan rrënoja të djegura të aeroplanit në pistë.
Policia ka njoftuar se vendi i ngjarjes është shpallur si vendkrim dhe se për hetime është informuar edhe Byroja Australiane e Sigurisë së Transportit.
🚨🇦🇺THREE DEAD IN LIGHT PLANE CRASH SOUTH OF SYDNEY
A light aircraft crashed shortly after takeoff at Shellharbour Airport, New South Wales, killing all three people on board.
🔹The plane burst into flames upon impact before being extinguished by Fire and Rescue NSW.… pic.twitter.com/7QLPwvONJW
— Info Room (@InfoR00M) October 11, 2025
