Zëdhënësi i Komisionit Qendror të Zgjedhjeve në Kosovë, Valmir Elezi ka treguar se sot do të fillojë numërimi i votave me kusht, të cilat janë rreth 25 mijë prej tyre.
Valmir Elezi në një prononcim ka thënë se po presin që shumë shpejtë të fillojnë më numërimin e votave me kusht, duke treguar se janë 25 mijë sosh.
“Po presim që shumë shpejtë të fillojmë numërimin e Votave me Kusht. Janë rreth 25 mijë vota me kusht”, ka treguar Elezi për Gazetën Express.
Zëdhënësi i KQZ’së gjithashtu tha se aktualisht është duke u bërë verifikimi, për të krahasuar votuesit e rregullt me votuesit me kusht të zgjedhjeve të 11 qershorit.
