Këshilli Gjyqësor i Kosovës (KGJK) ka shpallur konkursin për kryetar dhe gjyqtarë mbikëqyrës të rinj të Gjykatave në komunat e Kosovës.
Këtë e ka konfirmuar për Telegrafin edhe Aishe Qorraj nga KGJK. Ajo ka thënë se konkursi është shpallur të premten më datën 04.11.2016 dhe do të jetë i hapur deri më 19.11.2016.
Konkursi është hapur edhe për kryetar të Gjykatës Themelore në Prishtinë dhe kryetar të Gjykatës së Apelit, dhe tashmë është bërë publik edhe në faqen zyrtare të KGJK-së.
Ndërsa ditë më parë Indeksonline kishte raportuar që së shpejti pritet të bëhen disa ndryshime në lidhje me postin e kryetarit të Gjykatës Themelore në Prishtinë, në të cilin gjendet Hamdi Ibrahimi.
- Advertisement -
