Kryetari i Bashkimit Demokratik për Integrim (BDI), Ali Ahmeti, ka zhvilluar të martën një takim në Prishtinë me kryetarin e Partisë Demokratike të Kosovës (PDK), Bedri Hamza.
Sipas njoftimit të Ahmetit, në fokus të bisedës ishin zhvillimet e fundit politike në Kosovë dhe rajon, si dhe procesi gjyqësor në Dhomat e Specializuara të Kosovës në Hagë ndaj ish-drejtuesve të UÇK-së, transmeton lajmi.net.
Ahmeti tha se me Hamzën kanë diskutuar edhe për sfidat që e presin Kosovën dhe shqiptarët në rajon, duke vënë theksin te bashkëpunimi ndërmjet subjekteve politike shqiptare.
“Shkëmbyem mendime mbi sfidat aktuale, zhvillimet që na presin dhe rëndësinë e bashkëpunimit e të koordinimit të vazhdueshëm në interes të Kosovës dhe të shqiptarëve në rajon”, ka deklaruar Ahmeti.
