Ish kryetari i komunës së Skenderajt, Sami Lushtaku ka njoftuar se ka paraqitur kandidaturën e tij për kryetar të degës së PDK’së në Skenderaj, transmeton Gazeta Metro.
Ai ka falendëruar të gjithë qytetarët për besimin dhe mbështetjen e vazhdueshme.
Lushtaku ka thënë se kandidaturën e tij po e paraqet bazuar në rregullorën për zgjedhjet e brendshme të Partisë Demokratike të Kosovës.
Postimi i plotë i Lushtakut:
Të dashur qytetarë,
Duke u bazuar në rregullorën për zgjedhjet e brendshme të Partisë Demokratike të Kosovës,
Duke falëndëruar të gjithë qytetarët për besimin dhe mbështetjen e vazhdueshme,
Duke parë vullnetin e anëtarësisë së PDK-së në Skenderaj,
Duke shprehur besimin për të vazhduar së punuari në shërbim të të gjithë qytetarëve pa dallim,
Sot, zyrtarisht, paraqes kandidaturën time për Kryetar të Degës së PDK-së në Skenderaj.
Sinqerisht, Sami Lushtaku.
