Kryeministri Edi Rama ka ndarë sërish me ndjekësit e tij në rrjete sociale pamje nga kantieri i ndërtimit të Teatrit të Ri Kombëtar në Tiranë, duke theksuar rëndësinë që kjo godinë do të ketë për jetën kulturore të vendit.
Në mesazhin që shoqëron videon, Rama shprehet se teatri i ri po merr formë si një nga veprat arkitektonike më mbresëlënëse të kryeqytetit, dhe se do të shndërrohet në një ikonë të artit dhe kulturës shqiptare.
“Kantieri i Teatrit të Ri Kombëtar, ku punohet çdo ditë për t’i dhënë jetë një godine që do të jetë një tjetër vepër arkitektonike mbresëlënëse e Tiranës dhe ikonë e artit dhe kulturës mu në zemër të kryeqytetit”, shkruan Rama në Facebook.
- Advertisement -
