Rreth 35 për qind e botës vozisin makinat në anën e majtë të rrugës dhe kjo kryesisht ka të bëjë me vendet që dikur kanë qenë koloni britanike.
Siç shkruajnë mediat e huaja, përcjell Telegrafi, ndërsa kjo “ngatërron” pjesën tjetër të botës, ka disa arsye për këtë.
Në të kaluarën, pothuajse gjithmonë është udhëtuar në anën e majtë të rrugës, dhe kjo sepse kishte një “arsyetim”.
Kjo bëhej që në rast se vozitësi të sulmohej, ai të kishte dorën e djathtë të lirë.
Vetëm në shekullin e 19-të, në Evropën kontinentale vjen në shprehje vozitja në anën e djathtë të rrugës, dhe kjo ishte bërë nga Napoleoni.
Kjo për faktin se Napoleoni ishte mëngjarash, për shkak se ai donte që dorën e tij të mbante të lirë, që të mbrohej nga sulmi i mundshëm nga armiqtë.
Në Evropë sot, vozitja në anën e majtë të rrugës bëhet vetëm në katër vende: në Mbretërinë e Bashkuar, Irlandë, Maltë dhe Qipro, dhe është interesante se edhe në Japoni, kjo bëhet në anën e majtë, edhe pse ky vend nuk kishte qenë ndonjëherë një koloni britanike (arsyeja është se hekurudhat e tyre janë projektuar kryesisht nga britanikët). /Telegrafi/
