Me modelin e ri të flokëve, qethur së fundi, deputeti Kujtim Gjuzi nuk është treguar i kursyer në kompelimentet ndaj femrave, teksa ka qenë mbrëmjen e së hënës i ftuar në emisionin “Procesi Sportiv”.
Ndër të tjera në emision, deputeti Gjuzi u pyet nga moderatorja Ilda Bejleri, t’i thoshte një emër futbollisti të asaj kohe, i cili vishej më bukur dhe binte në sy.
Gjuzi nuk është kursyer, por ka komplimentuar me mënyrën e tij vajzën në panel, Silvana Bushati, dhe vetë moderatoren Bejleri, duke anashkaluar disi pyetjen.
Pjesë nga biseda :
Ilda Bejleri: Ke qenë rrobaqepës ti?
Kujtim Gjuzi: Ca ishte kjo? Unë vazhdoj të jem
Ilda Bejleri: Kush vishej më bukur në atë kohë nga futbollistët?
Kujtim Gjuzi: Je vesh mrekullisht bukur, sikurse ju, mbesa që e kam në krah të djathtë dhe falënderoj Manushin shumë, zonjusha aty që nuk ka nevojë për koment se ka dalë ballkoni dhe është i rrezikshëm…
Ilda Bejleri: Pse ore ballkoni është i rrezikshëm? Kush futbollist vishej më bukur, që binte në sy?
Kujtim Gjuzi: Ballkonet më të bukura i kanë femrat, pas tyre, do ta themi kështu, Ilir Bushati, e ngrite gjoksin kështu.
