Një 36-vjeçar është arrestuar nën dyshimet se ka vrarë një grua duke e therë me thikë derisa ajo ishte në shtëpinë e saj, shkruan Daily Mail, raporton Gazeta Express.
Ngjarja tragjike ka ndodhur mbrëmë, derisa policia është njoftuar pak para orës 3 të mëngjesit për rastin.
Vrasja ka ndodhur në një shtëpi në Rochdale, Manchester, derisa, shërbimet emergjente kanë bërë të ditur se gruaja besohet të jetë rreth të 30-tave.
Shefi i hetuesisë, Howard Millington ka ngushëlluar familjen për rastin.
“Ngushëllimet më të sinqerta për familjen dhe miqtë e kësaj vajze të re e cila fatkeqësisht u gjete e vdekur këtë mëngjes”, tha ai, duke bërë të ditur se kanë ndaluar një person derisa ende po qëndrohet në vend të ngjarjes për të vazhduar hetimet për të kuptuar rrethanat e vdekjes./GazetaExpress
