Ministrja e Drejtësisë, Dhurata Hoxha, ka akuzuar Lëvizjen Vetëvendosje për politizim të skajshëm të rastit të vdekjes së aktivistit të saj Astrit Dehari, që në ditët e para.
Hoxha ka thënë në KTV se i ishte drejtuar ambasadës britanike me një kërkesë për ndihmë në zbardhjen e rastit, për shkak të, siç ka thënë ajo, manipulimit që po i bëhej vazhdimisht rastit.
Kurse, për kërkesën që ajo i ka bërë kryeprokurorit për zgjerim të hetimeve, duke i përfshirë në to edhe ekspertët e familjes dhe avokatin e rastit, Tomë Gashi, Hoxha theksoi se e bëri me qëllim që të zbulohet nëse ata kanë të drejtë të vazhdojnë hetimet në pistën e vrasjes, në të kundërtën të sanksionohen.
“Nëse ekspertët mendojnë se është vrasje, atëherë unë kam kërkuar që t’i hetojnë edhe këto pista. Nëse jo, nuk mund të tolerojmë…”, ka thënë Hoxha.
