Në Samitin e Komunitetit Politik Evropian në Jerevan të Armenisë, ka mbërritur edhe Sekretari i Përgjithshëm i NATO-s, Mark Rutte.
Në një deklaratë për mediat, Rutte ka deklaruar se vendet evropiane të NATO-s kanë marrë parasysh pakënaqësinë e Shteteve të Bashkuara lidhur me kufizimet në përdorimin e bazave në Evropë për sulme kundër Iranit.
“SHBA-të kanë shprehur njëfarë pakënaqësie, por evropianët e kanë marrë parasysh këtë”, ka thënë ai.
Sipas tij, vendet evropiane po ndërmarrin hapa për të siguruar që marrëveshjet ekzistuese për bazat të respektohen.
Megjithatë, Rutte nuk ka pranuar të komentojë mbi një deklaratë të Donald Trump në lidhje me planet për të tërhequr 5,000 trupa amerikane nga Gjermania, ku aktualisht janë të stacionuar rreth 38,000 personel amerikan.
