Kryeministri në largim thotë se u shpëtua Trepça që ishte para falimentimit
Kryeministri Isa Mustafa ka thënë se Qeveria e udhëhequr prej tij shpëtoi falimentimin e Trepçës. Ka thënë se kanë ofruar zgjidhjen më të mirë për ndërmarrjen që dikur ishte më e madhja në Kosovë.
“Pas 17 vjetësh paqartësie, ofruam zgjidhjen më të mirë për Trepçën. E shpëtuam nga falimentimi, i hapëm perspektivë të fuqishme zhvillimore, i bëmë minatorët bashkëpronarë të Trepçës…”, ka shkruar Mustafa, në FB.
Mustafa kishte proceduar Ligjin për Trepçën në Qeveri e Parlament, duke pamundësuar kështu shitjen e kësaj ndërmarrjeje.
Këtë punë e kishte bërë bashkë me PDK’në në koalicion që e kishin ndërtuar pas zgjedhjeve të fundit.
Sidoqoftë, Qeveria është rrëzuar me votat e PDK’së pas një mocioni të nisur nga Opozita.
Lexo edheGjermania hap shumë vende pune, ja si mund të aplikoni
