Në Pragë të Çekisë po mbahet konferenca me temë, “Public service media and democracy” ku Kuvendi i Kosovës po përfaqësohet nga kryetarja e Komisionit për Administrate Publike, Qeverisje lokale dhe media, Xhevahire Izmaku dhe Naser Osmani, kryetar i Komisionit për Buxhet dhe Financa.
Në këtë konferencë të organizuar nga Unioni Europian i Transmetuesve (EBU) dhe Council of Europe janë të ftuara edhe përfaqësues të Komisionit të pavarur të medieve dhe Mediumi publik RTK.
Sfidat e mediumeve publike dhe roli i tyre në shoqëri është debat i vazhdueshëm, ku në fund të konferencës pritet të dalin edhe konkluzionet. Kjo ngjarje zhvillohet nga sot deri më 12 nëntor.
Ndryshe në delegacionin Kosovës janë edhe Adnan Merovci, kryetar i Komisionit të Pavarur për Media (KPM), Ismet Behxheti kryetar i Bordit të RTK-së, Mentor Shala Drejtor i përgjithshëm nga RTK-së si dhe Naile Krasniqi kryeshefe e KPM-së. /Telegrafi/
