Nënkryetari i AAK-së, Muharrem Nitaj, ka reaguar pas raportimeve se Ministria e Integrimeve ka paguar një kontratë ku do të lobohej shkëmbim territoresh.
Sipas Nitajt, kjo gjë nuk mund të lidhet me emrin e Ramush Haradinajt, i cili në atë kohë ishte kryeministër i qeverisë.
“Lajmet se Ministria e Integrimeve paska paguar një kontratë ku do të lobohej për të ashtuquajturin “modifikim territorial” që në shqip i bie shkëmbim territoresh, dëshmon se sa i madh ka qenë fronti për copëtimin e Kosovës, të cilin e ka kundërshtuar i vetëm Ramush Haradinaj. Ministria është autonome në lidhjen e kontratave të lobimit dhe mos provoni që këtë ta lidhni me emrin e Ramush Haradinajt”, është shprehur ai, transmeton Klan Kosova
Nitaj ka thënë se kjo gjë ka mundur të ndodhë në fshehtësi nga Haradinaj, por sipas tij, pa atë kryeministër, Kosova tashmë do të ishte e copëtuar.
“Nëse lajmi është i saktë, mund të thoni se dikush ia paska “pi duhanin fshehtë” por për ju që kuptoni e provoni të shkruani shqip, po të mos ishte Ramushi me aleatë, toka e Kosovës sot do të ishte e copëtuar!”.
