Qendërmbrojtësi Kastriot Dermaku është larguar nga kampi stërvitor i ekipit kombëtar të Kosovës të dielën, një ditë para ndeshjes së dytë në Ligën e Kombeve kundër Ishujve Faroe, konfirmon trajneri Bernard Challandes.
Dermaku – që ishte në stol në barazimin e Kosovës pa gola në ndeshjen e saj hapëse të Grupit 3 të Ligës D, kundër Azerbajxhanit të premten në Baku – është larguar sot nga Kombëtarja për arsyeje personale, ka thënë Challandes në një konferencë për media në Prishtinë, raporton Gazeta Express.
Mbrojtësi Dermaku luan për Scandiano në Itali, dhe ende nuk ka debutuar për Kosovën.
Ai më parë e ka përfaqësuar ekipin kombëtar U-21 të Shqipërisë. /Express/
- Advertisement -
