Deputeti i PDK-së, Bekim Haxhiu ka shprehur keqardhje për dorëheqjen e Ramush Haradinajt nga posti i kryeministrit të Kosovës.
Haradinaj ka dhënë dorëheqje nga posti i kryeminstrit për shkak të ftesës nga Gjykata Speciale, raporton GazetaBlic.
Haxhiu beson se Haradinaj do të shkojë në Hagë, ku do të dëshmojë se ai është i pafajshëm dhe lufta e UÇK-së ishte e pastër.
Më poshtë keni postimin e tij të plotë në rrjetin social, Facebook:
Lajmin për ftesë nga Gjykata Speciale të Ramush Haradinaj dhe bashkëluftëtarëve të tjerë na shqetēsoi të gjithëve, ndiej keqardhje për këtë dhe dorëheqjen e tij nga posti i kryeministrit.
I shpallur disa herë i pafajshëm nga gjykatat ndërkombëtare, sërish Ramush Haradinaj duhet të dëshmojë për pafajsinë e tij – por tani në Gjykatën Speciale.
Kushdo që do të shkojë në këtë Gjykatë, do ta dëshmojë se lufta e UÇK-së ishte luftë e pastër, e drejtë për liri , UÇK mbrojti popullin e saj nga pushtuesi serb”, ka shkruar Haxhiu në rrjetin social, Facebook.
