Diplomati amerikan, Christopher Hill tha në Gjykatën Speciale në Hagë se Kosova ishte pjesë e përgjegjësisë së punës së tij edhe pas vitit 2000 në Këshillin e Sigurimit të Shteteve të Bashkuara të Amerikës.
Ai tha gjatë dëshmisë së tij në rastin e ish-krerëve të Ushtrisë Çlirimtare të Kosovës se “Kosova ishte një temë shumë e madhe brenda Ballkanit, shumë e rëndësishme”.
Për situatën në Kosovë, tha se kishte dëgjuar gjatë dy viteve të punës së tij në Shqipëri si ambasador.
“Gjatë dy viteve të punës sime në Shqipëri kam dëgjuar shumë lidhur me situatën në Kosovë. Nuk e kam vizituar personalisht Kosovën deri në maj 1998 kur m’u kërkua që ta merrja përsipër si një përgjegjësi shtesë”, tha ai.
Gjatë Marrëveshjes së Dejtonit, tha se s’ka pasur rast të takohej me përfaqësues të Kosovës.
Hill tha u takua me presidentin e Kosovës, Ibrahim Rugova për herë të parë në rezidencën e ambasadorit amerikan 1998.
“Kjo ka qenë biseda ose takimi im i parë me Ibrahim Rugovën”, tha diplomati amerikan.
