Ish-kryetari i Aleancës, Ramush Haradinaj, ka bërë homazhe në 28-vjetorin e masakrës së Lybeniqit, duke nderuar viktimat e vrara gjatë luftës në Kosovë.
Haradinaj ka përkujtuar përmes një postimi në Facebook anëtarët e familjeve Hamzaj, Mehaj dhe Gogaj, të cilët u vranë më 25 maj 1998, duke i cilësuar si martirë të ekzekutuar mizorisht nga forcat serbe.
“Dhimbja për ta mbetet e pashuar, ndërsa kujtimi për ta është obligim i përhershëm. Sakrifica e tyre dhe e të gjithë të rënëve na obligon që të mos ndalemi asnjëherë së kërkuari drejtësi, derisa urdhërdhënësit dhe ekzekutorët e krimeve gjenocidale të kryera në Kosovë të marrin dënimin e merituar. Përulemi në kujtim të jetëve që u sakrifikuan për lirinë tonë”, ka shkruar Haradinaj.
