Kryetari i AAK-së, Ramush Haradinaj, ka nderuar gazetarin e njohur Marin Mema me titullin “Qytetar Nderi” të Komunës së Deçanit.
Ceremonia u mbajt në ambientet e Kuvendit Komunal, ku Haradinaj e vlerësoi lartë kontributin e Memës në çështjen kombëtare, raporton lajmi.net
Në fjalën e tij, Haradinaj theksoi guximin dhe përkushtimin e gazetarit në mbrojtje të historisë dhe identitetit shqiptar, duke e konsideruar atë një zë të rëndësishëm në mbrojtje të së vërtetës.
Përveç titullit nderues, Haradinaj i dorëzoi Memës edhe medaljen “Besim në Zot, Atdhe e Shtet” në shenjë mirënjohjeje për angazhimin e tij të veçantë për çështjen kombëtare./Lajmi.net/
