Kryetari i Aleancës për Ardhmërinë e Kosovës, Ramush Haradinaj, ka thënë se koalicioni AAK-PSD, do të fitojë 30% të votave.
Haradinaj është pyetur në RTV Dukagjini edhe se cilat komuna do t’i fitojë ky koalicion.
Ai tha se në komunat e Dukagjinit, fitorja e koalicionit AAK-PSD, është e sigurt.
“Istogu, Peja, Gjakova, Deçani, Juniku, pastaj Prizreni e Suhareka, në të gjitha këto komuna do të fitojmë ne”, ka thënë Haradinaj.
Kryeministri në largim ka thënë po ashtu se koalicioni AAK-PSD, do të fitojë edhe në Leposaviq e Zveçan.
Derisa ka thënë se kanë shtuar numrin e votave edhe në rajonin e Anamoravës.
Ndërsa, në sondazhin në Facebook të RTV Dukagjini se a duhet të jetë sërish kryeministër Ramush Haradinaj?, nga 5752 qytetarë sa kanë votuar, 57% apo 3252 kanë votuar Për, derisa 43% apo 2500 qytetarë kanë votuar kundër.
