Ditët e Granit Xhaka në Arsenal janë afër përfundimit.
Mesfushori i Arsenalit, Granit Xhaka që nga zënka me tifozët nuk po kalon kohë të mirë tek ‘Topçinjtë’ dhe sipas mediave ai ka pranuar largimin nga Premierliga, përcjell GazetaBlic.
Sipas ‘Fussball Transfers’, 27-vjeçari është në kontakte me klubin e Hertha Berlinit dhe në janar mund të kalojë në Bundesligë.
Pretendohet se Hertha ende nuk ka rënë dakord për një marrëveshje me Arsenalin, por ka paraqitur një ofertë konkrete për mesfushorin. Sidoqoftë, është e paqartë nëse trajneri i ri i Arsenalit, Mikel Arteta do t’i japë dritën jeshile Xhakës për largim në afatin kalimtar të janarit.
