Gennady Golovkin ka rikonfirmuar vetën si kampioni më i madh i të gjitha kohërave në peshat e mesme, duke arritur që të mbrojë titullin e tij.
Golovkin dominoi meçin me sfiduesin Kamil Szeremeta, duke e rrëzuar polakun katër herë në tokë, derisa gjyqtari në raundin e tetë sinjalizoi fundin.
Kjo nënkupton se GGG ka parakaluar Bernard Hopkinsin në mbrojtje të titullit, me amerikanin që ishte më i miri në shekullin e kaluar.
Pas fitores, Golovkin ka thënë: “Po rikthehem, ju thash që po rikthehem”.
“Tani kam treguar se isha i qetë, komod dhe mendoj se kam punuar mençur. Kamil Szeremeta është një boksier i mrekullueshëm, por unë ndihesha komod, kisha shumë kohë, jam shumë krenar me skuadrën time”.
Golovkin nuk ka qenë në ring që nga tetori i vitit 2019, atëherë kur kishte mposhtur Sergiy Derezyanchenkon për të rrëmbyer titujt IBF dhe IBO. /Telegrafi/
