FIFA: Kupa e Botës 2026 shumë e madhe për t’u shtyrë për shkak të luftës me Iranin
Pavarësisht tensioneve dhe luftës që përfshin Iranin në Lindjen e Mesme, FIFA ka deklaruar se Kupa e Botës 2026, do të zhvillohet sipas planit. Zyrtarë të organizatës theksuan se turneu është shumë i madh për t’u shtyrë.
Shefi i operacioneve të Kupës së Botës në FIFA, Heimo Schirgi, tregoi se organizimi i turneut është shumë kompleks dhe përfshin përgatitje të mëdha logjistike, infrastrukturore dhe financiare, prandaj shtyrja nuk është një opsion real.
Kupa e Botë 2026 do të zhvillohet nga data 11 qershori dhe deri më 19 korrik, ku do të organizohet bashkërisht nga Shtetet e Bashkuara, Kanadaja dhe Meksika.
Ndërkohë, situata politike ka ngritur pikëpyetje rreth pjesëmarrjes së Iranit. Nëse Irani vendos të tërhiqet nga turneu, federata e tij mund të përballet me gjoba ose me përjashtime nga kompeticionet e ardhshme sipas rregullave të FIFA-s.
Lexo edheA e ëndërron Topin e Artë? Olise jep një përgjigjje surprizë
Ndër të tjerash FIFA tregoi se po monitoron nga afër zhvillimet ndërkombëtare, por për momentin përgatitjet për Kupën e Botës po vazhdojnë normalisht.
